رواية محكمة الاسرة الفصل الثاني 2 بقلم رقيه محمد
البارت التاني
بقلمي رُقــيــ ـه مــحـمـ ـد 💙
#محكمه_الاسره
_ مسك قومي بسرعه اخوكي هينط من البلكونه
جريت بخضه وبصيت علي احمد وهو واقف علي السور وبيعيط
_ بصلي يا احمد ، ركز معايا يا حبيبي ، انزل عشان خاطري، عشان تحميني ، عشان انت بطلي صح
* انا بحلم بكوابيس كتير ، انا مش عايز اعيش هنا
_ طيب انزل واعمل الي انت عايزه
بصيت بحذر علي زميلتي الي واقفه جمبو بتستعد إنها ترميه لجوا
شاورتلها وفعلا ذقته
جريت عليه بخضه : حبيبي لي كده ، لي تقلقني عليك بالشكل ده ، انت مش عارف انا بحبك قد اي ، انا عايزاك جمبي
* يا ماما انا تعبت اوي
بصيتلي بنت وقالت : خديه لدكتور نفسي يا مسك .
بصيت لها بقلق ودخلت قفلت البلكونات كلها وخدته في حضني ونمت
_ بص يا حبيبي ، انا هنزلك الحضانه علشان ده اول يوم كليه عندي ، ولازم اروح ، مش عايزه ابقي قلقانه عليك .
* حاضر يا ماما
نزلت بسرعه لاني متأخره علي اول محاضره
_ لو سمحت يا دكتور ينفع ادخل
*اتفضلي بس اول مره
_ متشكره جداً
دخلت بتأفف لاني ملقيتش الدكتور شاب زي ما بنسمع في الروايات يعني ، الله ؟
لفت نظري شاب بيبصلي ويوشوش الولاد ويضحك
بصيت بعصبيه
_ لو سمحت يا دكتور ، انا مش عارفه اركز مع حضرتك ، في ولاد ورا بيتكلموا
* شاوريلي عليهم
شاورت عليهم بانتصار
* اطلعوا برا
كملت اول يوم علي خير وخرجت روحت بسرعه للسكن ، بصيت براحه لما لقيت احمد نايم
_ اصحي يا احمد ، عشان نروح للدكتور
* بس انا مش تعبان .
_ ايوه عارفه ، يلا بس عشان اطمن عليك
روحنا الدكتور الي مكنتش مقتنعه بيه خالص ، بس عشان اطمن نفسي وميتكررش الي حصل ده تاني .
" امممم ، كويس يا بطل ، قولي بقي فين ماما وبابا
* معنديش بابا ، وماما اهي
بصلي باستغراب
_ انا أخته الكبيره ، بس هو بيقولي يا ماما
"تمام
عدي نص ساعه وهو بيسأله اسأله عاديه جدا ، لحد ما قالي أنه عايزني انا بس عشان يشخصه
_ دكتور ضمني ... احمد كويس ؟
" احمد عنده حاله نفسيه ، ودي بتحصل بسبب ضغوطات كبيره علي سنه وكـ...
_ هو اي الهبل ده ، ازاي طفل عنده ست سنين ، طفل لا راح ولا جه ، ايوه بيكون مدرك الي حواليه بس لدرجه انه يتأثر من موقف ولا موقفين عاشوه!!!!
البارت التاني
بقلمي رُقــيــ ـه مــحـمـ ـد 💙
#محكمه_الاسره
